أول موقع عربي متخصص في الطواويس 🇰🇼

مزرعة متخصصة بانتاج وتربية الألوان النادرة وتحتوي على اكثر من ٣٠ صنف من الطاووس

القائمة

تخطى إلى المحتوى

الصفحة الرئيسية
طواويس للبيع
تربية الطاووس
طواويسنا Our Peafowls
جينات الطاووس
- جينات الألوان
Peafowl Photo Album
طيور المزرعة الأخرى

Peach

بحث

اضغط لبدء محادثة وتساب

للتواصل ولمعرفة كل ما هو معروض للبيع من الطواويس والطيور الاخرى يرجى التواصل معنا على الهاتف أو وتساب
00965-96689396 🇰🇼

تابعنا على انستقرام

من ارشيف ٢٠١٤ اول فرخ برونز بلاك شولدر فرخ عندنا ومستمرين بانتاج هاللون ولله الحمد خامس موسم عالتوالي

Bronze white eye من الانتاج

للبيع يوز هولندي فيومي احمر توهم مبلشين بيض، اللي له خاطر اقدر انزلهم له الليلة من العبدلي 96689396

فروخ الطواويس ممكن يفرشون ذيلهم من ثاني اسبوع 😉

الحمدلله بيض الماران المستورد بدأ بالفقس

براهما من الحلال

طواويس من الانتاج

من الحلال فيونكس توهم مبلشين بيض

فيونكس من الحلال

سبالدينغ بايد من الانتاج،،، اخواني يرجى العلم ما راح تتوفر اي طواويس للبيع من الالوان النادرة هذي السنة، ممكن اذا دخلنا السنة اليديدة يتوفر شي من الانتاج للبيع لكن خلال هالفترة ماكو شي للبيع، ممكن تتوفر فروخ الطاووس الهندي والابيض بالصيف اذا فرخنا منهم ان شاء الله

طريقة تركبيها وفكها بسهولة، الحلقة اللي تنفر داخل اهي اللي تحدد مستوى الماي بالبادية

لمن سال عن طريقة تركيب العوامات، هذي القطع اللي تحتاجها وهذا فيديو بسيط يوضح طريقة تركيبها جدا بسيطة ومو معقدة، اذا كان عندك تمديدات بس تقص البايب تركب عليه الوصلة(حرف ال T) وتكمل باجي القطع وتتعبى العوامة، طبعا البابيبات لازم بعدين تثبتهم بالصمغ بس هذي الفكرة العامة، كل القطع تلقاهم باغلب لوازم العايلة واللي عنده اي استفسار يتفضل عالواتساب وان شاء الله افيده باللي اقدر عليه

اما هذي صور كلها حق جاوات بيور اغلبهم نوع الامبراطور وبعض الصور نوع الموتيكوس، لو تركزون عدل وتدققون اكثر من مرة راح تقدرون تميزون الفروقات بين الجاوة البيور والسبالدينغ ان شاء الله.

الجاوا البيور والمكس جاوة(السبالدينغ) يمكن من اكثر الاسئلة اللي يسألوني اياها المربين اهي عن طواويس معينة هل هي بيور او لا؟ اول شي اذا بتعرف الطاووس بيور او لازم تعرف مصدره من اي مربي والمربي يايبه من اي مربي الى اخره... ثانيا لازم تتعود تشوف صور جاوة بيور يفضل تشوف صور الجاوة اللي بالطبيعة وتقارنها مع اي طاووس جدامك، الفكرة ان الطاووس اللي صوره بالطبيعة انت ضامن ان هو بيور فيكون اهو معيارك لما تقارنه بجاوة ثاني، مو القصد ان الجاوات اللي بالاسر مو بيور لا طبعا، بس احتياطا اذا ما كنت تعرف تفرق بين البيور والسبالدينغ عشان ما تشوف طاووس مكس جاوة تحسبه بيور مثلا وتقارنه باللي بتشتريه فتحسب ان اللي بتشتريه بيور وانت اساسا مقارنه بمكس جاوة. ثالثا اهم العلامات اللي تميز البيور عن السبالدينغ اهي: ١- شكل وطول القنزوعة، واهي اهم واسهل نقطة تخليك تميز البيور عن السبالدينغ، البيور قنزوعته طويلة غالبا طولها بين ١٠-١٥ سنتم، السبالدينغ حتى لو كان مستواه عالي للحين ما شفت فيهم قنزوعة نفس البيور ٢- ريش الرقبة. ٣- ريش الجناح، ذكر البيور لازم ما يكون فيه خطوط برتقالية نفس الهندي، اول ثلاث سنين تكون تكون موجودة صحيح لكن لازم تختفي ثالث او رابع سنة بالكثير، احيانا وهذا نادر يظل بالذكر خط واحد بس لكنه ما يكون واضح يكون شبه مختفي لكن اكرر هذا نادر جدا(الاناث عادي يكون فيها خطوط). فافضل شي ان تكون معود نفسك تشوف اشكال الجاوة البيور قبل ما تشتري الطير على اساس ان جاوة وتخسر فلوسك وتكتشف ان سبالدينغ بعدين. للعلم المربين اللي عندهم جاوة بيور بالخليج عددهم محدود جدا والمشكلة ان بعض المربين تلقى عنده مثلا ذكر بيور بس يزوجه مع نثاي سبالدينغ فالانتاج خلاص راح يكون كله سبالدينغ مهما كان مستوى النثاي المستخدمين حتى لو مستواهم قريب عالبيور. هذي مجموعة صور اغلبها من النت، كل الطواويس هذي سبالدينغ ولا طير منهم بيور مع ان بعضها شكلها قريب عالبيور بس تظل كلها سبالدينغ.

أقسام الموقع

الصفحة الرئيسية
طواويس للبيع
تربية الطاووس
طواويسنا Our Peafowls
جينات الطاووس
- جينات الألوان
Peafowl Photo Album
طيور المزرعة الأخرى

بحث

أعلى المواضيع والصفحات

تربية فروخ الطاووس
تربية الطاووس
نصائح قبل تربية الطاووس
تغذية الطاووس
أول موقع عربي متخصص بالطواويس
طواويس للبيع
India blue black shoulder silver pied
حمام البخارى Bokhara Pigeons
Peafowl Photo Album
Spalding Cameo

قالب: Expound بواسطة Konstantin Kovshenin.

إرسال إلى

إلغاء