أول موقع عربي متخصص في الطواويس 🇰🇼

مزرعة متخصصة بانتاج وتربية الألوان النادرة وتحتوي على اكثر من ٣٠ صنف من الطاووس

القائمة

تخطى إلى المحتوى

الصفحة الرئيسية
طواويس للبيع
تربية الطاووس
طواويسنا Our Peafowls
جينات الطاووس
- جينات الألوان
Peafowl Photo Album
طيور المزرعة الأخرى

الوز Goose

يتوافر لدينا عدد محدود من فروخ الوز تكون متوفرة للبيع كل عام بعد موسم الانتاج الطبيعي للوز (فصل الربيع) للمزيد من المعلومات يرجى التواصل معنا على الهاتف

اترك رد إلغاء الرد

ضع ردك هنا...

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

البريد الإلكتروني (البريد الإلكتروني لن يتم نشره)

الاسم

الموقع

أنت تعلق بإستخدام حساب WordPress.com. ( تسجيل خروج / تغيير )

أنت تعلق بإستخدام حساب Google+. ( تسجيل خروج / تغيير )

أنت تعلق بإستخدام حساب Twitter. ( تسجيل خروج / تغيير )

أنت تعلق بإستخدام حساب Facebook. ( تسجيل خروج / تغيير )

w

Connecting to %s

أبلغني بالتعليقات الجديدة عبر البريد الإلكتروني.

أعلمني بالمشاركات الجديدة عن طريق بريدي الإلكتروني

بحث

اضغط لبدء محادثة وتساب

للتواصل ولمعرفة كل ما هو معروض للبيع من الطواويس والطيور الاخرى يرجى التواصل معنا على الهاتف أو وتساب
00965-96689396 🇰🇼

تابعنا على انستقرام

براهما من الحلال

طواويس من الانتاج

تذكير لبعض المربين وقت تفريخ الطواويس كل موسم لازم تمر عليك مثل هالحالة فرخ يفقس وعنده بعض الاصابع لافة تحتاج تعديل الحل جدا سهل انا افضل اقص قطعة كرتون صغيرة على شكل اصابع الريل واتيبها وفي مربين يستخدمون اللزاق الطبي كل شخص وله طريقته، عموما ضروري يتم تعديل الاصابع او ما نطلع الفرخ من الفقاسة لان العظم يكون بعده لين اذا تأخرت يوم يومين احتمالية النجاح تقل بنسبة كبيرة. اول ما يفرخ الطاووس تخليه بالمكينة يوم كامل تقريبا بعدها تطلعه اذا ما تعدلت اصابعه خلال هاليوم تعدلهم بعدها وتخلي الكرتونة على ريله مدة يوم واحد بس.

موضوع للفائدة: قبل امس مات عندي فرخ دياي بعمر الثلاث اسابيع تقريبا بطريقة مفاجئة ما كان مبين عليه علامات مرض قلت يمكن يومه ما بيدي شي اسويه، اليوم اللي بعده فرخين بنفس الخانة كانوا خمولين وعليهم اعراض مرض، عطيتهم دوا كوكسيديا لان عادة اهو المرض اللي غالبا يحوش الفروخ بهالعمر، اليوم اللي بعده ما كان فيه اي تحسن وما كان فيه علامة ان فيهم كوكسيديا، فقررت اراقب الفروخ بهالخانة واحاول اعرف السبب خصوصا ان الثلاث فروخ اللي تعبوا من نفس الخانة، اكتشفت ان الفروخ بهالخانة ياكلون الزيادة الصغيرة من البلاستيك اللي بالمعلف اللي بالصورة، تقدرون تلاحظون ان البلاستيك منتفين منه شوي الفروخ ومعروف البلاستيك ما يتحلل بجسم الطيور يعني اي فرخ اكل من هالبلاستيك عادة راح يموت باغلب الحالات. جزئية بسيطة جدا كانت ممكن تتسبب بمصيبة وتضيع عدد اكبر من الانتاج لو ما لحقت عليهم.

من الحلال فيونكس توهم مبلشين بيض

براهما من الانتاج

تجربة سلال البيض اليديدة تزيد سعة الفقاسةالخضرة حق البيض الكبير نفس بيض الطاووس والصفرة حق بيض الدياي

فيونكس من الحلال

ديروا بالكم يا اهل العبدلي الدرب صار متروس نياق من اهل الحلال اللي مخلين البر كله وما لقوا يخيمون الا عند الشارع عشان يعلفون نياقهم من هالجم نبتة اللي عند الطريج السريع، اكثر من مرة نشوف نياق بنص الشارع وبين الشارعين ولا معاهم راعي ولا حياة لمن تنادي!! يعني لازم تصير حوادث كثر اللي صارت بالسالمي عشان يطلع لنا قرار عبقري يمنعهم يرعون عند الشارع! الموضوع حله جدا بسيط يمنعونهم يرعون عند الشارع واللي يخالف تتصادر نياقه ويتعاقب راعيهم!

سبالدينغ بايد من الانتاج،،، اخواني يرجى العلم ما راح تتوفر اي طواويس للبيع من الالوان النادرة هذي السنة، ممكن اذا دخلنا السنة اليديدة يتوفر شي من الانتاج للبيع لكن خلال هالفترة ماكو شي للبيع، ممكن تتوفر فروخ الطاووس الهندي والابيض بالصيف اذا فرخنا منهم ان شاء الله

من الانتاج

طريقة تركبيها وفكها بسهولة، الحلقة اللي تنفر داخل اهي اللي تحدد مستوى الماي بالبادية

لمن سال عن طريقة تركيب العوامات، هذي القطع اللي تحتاجها وهذا فيديو بسيط يوضح طريقة تركيبها جدا بسيطة ومو معقدة، اذا كان عندك تمديدات بس تقص البايب تركب عليه الوصلة(حرف ال T) وتكمل باجي القطع وتتعبى العوامة، طبعا البابيبات لازم بعدين تثبتهم بالصمغ بس هذي الفكرة العامة، كل القطع تلقاهم باغلب لوازم العايلة واللي عنده اي استفسار يتفضل عالواتساب وان شاء الله افيده باللي اقدر عليه

اما هذي صور كلها حق جاوات بيور اغلبهم نوع الامبراطور وبعض الصور نوع الموتيكوس، لو تركزون عدل وتدققون اكثر من مرة راح تقدرون تميزون الفروقات بين الجاوة البيور والسبالدينغ ان شاء الله.

الجاوا البيور والمكس جاوة(السبالدينغ) يمكن من اكثر الاسئلة اللي يسألوني اياها المربين اهي عن طواويس معينة هل هي بيور او لا؟ اول شي اذا بتعرف الطاووس بيور او لازم تعرف مصدره من اي مربي والمربي يايبه من اي مربي الى اخره... ثانيا لازم تتعود تشوف صور جاوة بيور يفضل تشوف صور الجاوة اللي بالطبيعة وتقارنها مع اي طاووس جدامك، الفكرة ان الطاووس اللي صوره بالطبيعة انت ضامن ان هو بيور فيكون اهو معيارك لما تقارنه بجاوة ثاني، مو القصد ان الجاوات اللي بالاسر مو بيور لا طبعا، بس احتياطا اذا ما كنت تعرف تفرق بين البيور والسبالدينغ عشان ما تشوف طاووس مكس جاوة تحسبه بيور مثلا وتقارنه باللي بتشتريه فتحسب ان اللي بتشتريه بيور وانت اساسا مقارنه بمكس جاوة. ثالثا اهم العلامات اللي تميز البيور عن السبالدينغ اهي: ١- شكل وطول القنزوعة، واهي اهم واسهل نقطة تخليك تميز البيور عن السبالدينغ، البيور قنزوعته طويلة غالبا طولها بين ١٠-١٥ سنتم، السبالدينغ حتى لو كان مستواه عالي للحين ما شفت فيهم قنزوعة نفس البيور ٢- ريش الرقبة. ٣- ريش الجناح، ذكر البيور لازم ما يكون فيه خطوط برتقالية نفس الهندي، اول ثلاث سنين تكون تكون موجودة صحيح لكن لازم تختفي ثالث او رابع سنة بالكثير، احيانا وهذا نادر يظل بالذكر خط واحد بس لكنه ما يكون واضح يكون شبه مختفي لكن اكرر هذا نادر جدا(الاناث عادي يكون فيها خطوط). فافضل شي ان تكون معود نفسك تشوف اشكال الجاوة البيور قبل ما تشتري الطير على اساس ان جاوة وتخسر فلوسك وتكتشف ان سبالدينغ بعدين. للعلم المربين اللي عندهم جاوة بيور بالخليج عددهم محدود جدا والمشكلة ان بعض المربين تلقى عنده مثلا ذكر بيور بس يزوجه مع نثاي سبالدينغ فالانتاج خلاص راح يكون كله سبالدينغ مهما كان مستوى النثاي المستخدمين حتى لو مستواهم قريب عالبيور. هذي مجموعة صور اغلبها من النت، كل الطواويس هذي سبالدينغ ولا طير منهم بيور مع ان بعضها شكلها قريب عالبيور بس تظل كلها سبالدينغ.

أقسام الموقع

الصفحة الرئيسية
طواويس للبيع
تربية الطاووس
طواويسنا Our Peafowls
جينات الطاووس
- جينات الألوان
Peafowl Photo Album
طيور المزرعة الأخرى

بحث

أعلى المواضيع والصفحات

تربية فروخ الطاووس
تربية الطاووس
نصائح قبل تربية الطاووس
أول موقع عربي متخصص بالطواويس
تغذية الطاووس
طواويس للبيع
جينات الطاووس
Peafowl Photo Album
بط المندرين Mandarin Ducks
India blue black shoulder silver pied

قالب: Expound بواسطة Konstantin Kovshenin.

إرسال إلى

إلغاء